XXVIII Festival de Teatro Universitario de Lugo

A vixésima oitava edición do Festival de Teatro Universitario, un certame promovido ao abeiro do convenio Lugo Cultural, que recibe financiamento da USC, Concello de Lugo e Deputación Provincial de Lugo, recupera este venres, a partir das 20.30 horas, no auditorio municipal Gustavo Freire de Lugo, a súa quenda de funcións, coa presentación da obra 'Contos para seren contados', a cargo da compañía de teatro USC-Lugo, que dirixe Aarón Navia. A entrada é libre e de balde ata completar o aforo.