(Casa dos Catedráticos. Avenida das Ciencias, 7)
Estes encontros fóra de aula ofrecen a posibilidade de achegarse a outras linguas a través da participación nunha actividade saudable que permite coñecer lugares de interese da contorna compostelá.
O xoves, día 12 de maio, o programa de Andainas Lingüísticas da USC ofrece un novo percorrido para as persoas interesadas en afondar nas súas capacidades en lingua inglesa. Nesta ocasión, a excursión partirá ás 16.30 horas da sede do Centro de Linguas Modernas, nas Casas dos Catedráticos, para transitar pola contorna do río Sarela e o parque de Galeras. A duración estimada do paseo é de 2 horas.
Para tomar parte nel, cómpre cursar inscrición previa a través do formulario dispoñible na web do Servizo de Deportes. O prazo remata o 11 de maio.
A tarifa de inscrición é de 4€ para a comunidade universitaria, 5€ para o alumnado egresado e 6€ para o resto de colectivos. Ademais, a comunidade universitaria pode facerse cun bono para 3 andainas polo importe de 11 €.