Concertos de Fin do Curso Avanzado de Especialización Orquestral da EAEM

Como colofón dos estudos do Curso Avanzado de Especialización Orquestral da  Escola de Altos Estudos Musicais, o seu alumnado ofrece no mes de xuño unha serie de concertos con obras de autores referenciais para solistas con acompañamento de piano. 

O primeiro dos concertos será o luns 6 de xuño con Ayse Yavuz (viola), Roberto Bolaño (trompeta) e Julia Filón (violín), que interpretarán obras de Dobrinka Tabakova, Franz Joseph Haydn, George Enesco e Wolfgang Amadeus Mozart. 

Comezará ás 20.30 horas no Paraninfo da USC e a entrada é de balde ata completar a capacidade da sala.