O Grupo Español de Innovación e Investigación en Vesículas Extracelulares celebra o seu sexto simposio internacional
O VI Simposio Internacional GEIVEX desenvólvese entre o 26 e 28 de outubro de 2022 en Santiago de Compostela co obxectivo de promover a investigación, a innovación e o intercambio de coñecemento no campo das Vesículas Extracelulares (VE).
A inauguración do simposio, presidida polo reitor Antonio López, terá lugar o mércores 26 de outubro ás 08.45 horas no Salón de Actos da Facultade de Medicina e Odontoloxía e contará coas intervencións de María Pardo, presidenta do comité local, María Yáñez, presidenta do Grupo Español de Innovación e Investigación en Vesículas Extracelulares (GEIVEX) ; Patricia Argerey, directora da Axencia Galega de Innovación (GAIN); Julián Álvarez, decano da Facultade de Medicina e Odontoloxía e María Luz Couce, directora do IDIS.