Concerto do Coro Universitario da USC no Círculo das Artes de Lugo e na Igrexa da Universidade

O Coro Universitario de Santiago de Compostela presenta hoxe, a partir das 20.00 horas, no Círculo das Artes de Lugo, e este martes 15, ás 21.00 horas, na Igrexa da Universidade, o programa ‘ Motetes, madrigais e diferencias’, con pezas de T.L. de Victoria, Guerrero, Monteverdi e Cabezón, entre outros compositores. Neste recital, de entrada libre e de balde, os intérpretes do Coro Universitario da USC estarán acompañados da Capela compostelana e solistas.

Dirixidos por Miro Moreira, actuarán como solistas Aída Cruz, Mariola González, Sara de Sousa, Chema Ares, Marcos Mato e Pablo Nieves. Como intérpretes, Francisco Luengo (violas da gamba), Xurxo Varela (viola da gamba), Ana Pazos (Cornetto), Joana Almeida (baixón), Manuel Vilas (arpa) e Marcos Mato (percusión).