O reitor Antonio López e o presidente da Xunta de Galicia, Alfonso Rueda, presiden este venres a gala de entrega do XXIII Premio Aresa á candidatura presentada por Casa Grande de Xanceda
O reitor da Universidade de Santiago de Compostela, Antonio López Díaz, e o presidente da Xunta de Galicia, Alfonso Rueda, participarán este venres, a partir das 20.00 horas, no auditorio da Facultade de Veterinaria do campus de Lugo, na cerimonia de entrega do XXIII Premio Aresa de Desenvolvemento Rural, un acto público no que tamén intervirán o presidente fundador de Aresa, Álvaro Rodríguez Eiras; o vicerreitor de Organización Académica e Campus de Lugo, Francisco Fraga, e a presidenta do Grupo Leche Río, Carmen Lence, que ofrecerá o relatorio ‘Unha historia de superación’.
A responsable de Marketing e Responsabilidade Social Corporativa de Casa Grande de Xanceda, Sara Torreiro Rodríguez, recollerá o XXIII Premio Aresa, un galardón convocado pola USC xunto con grupo empresarial lugués e que contempla unha dotación de 10.000 euros, ademais de placa conmemorativa.