As inscricións para esta carreira promovida pola asociación Alumni USC estarán abertas ata o 20 de abril
A fin de semana do 27 e 28 de maio Alumni USC porá en marcha a terceira edición da súa Carreira Virtual Solidaria. Todo o diñeiro recadado mediante as inscricións será destinado a Cáritas Interparroquial de Santiago, causa que Alumni USC xa apoiou noutras iniciativas.
Deberán realizarse 5km, correndo ou camiñando, no lugar e no momento que cada persoa prefira, dentro desa fin de semana. Para poder completala será preciso descargarse a aplicación Rockthesport para que rexistre os pasos realizados empregando o localizador que cada participante recibirá coa inscrición.
A información sobre o procedemento e prazos de inscrición está dispoñible na web de Alumni USC e pódese solicitar máis información no enderezo electrónico alumni [at] usc.es (alumni[at]usc[dot]es)