A vicerreitora de Estudantes e Cultura, Pilar Murias, presidirá o acto académico
O Salón de Graos da Facultade de Ciencias Económicas e Empresariais da USC acollerá o mércores día 12 de abril, ás 12.00 horas, o acto institucional en conmemoración da festividade do centro.
A vicerreitora de Estudantes e Cultura da USC, Pilar Murias, presidirá este evento que contará tamén coa presenza do decano da Facultade, Xoán Ramón Doldán García, e da secretaria do centro, María José Barcia Domínguez.
O evento incluirá a entrega do Premio da duodécima edición do Concurso de Pintura CreArte na Universidade, do Premio Fulget 2022, do Premio Innovación Docente 2023, dos Premios Extraordinarios de Grao e Mestrado do curso 2021-2022 e do Premio María del Carmen Lorenzo Díaz aos TFG e TFM sobre Economía dos Recursos Naturais e do Medio Ambiente. Ademais, o acto gardará lugar para o recoñecemento da acción solidaria da Facultade coa Cociña Económica