14.04.2023-17.05.2023 | 20.00h
Esta mostra do artista galego Lois Gil Magariños forma parte da serie de actividades 'Cultura en Mazarelos' promovida pola Facultade de Filosofía
A arte discursiva e a poesía visual toman corpo na Facultade de Filosofía da USC coa mostra 'SAVER. Corporación Semiótica Galega. Poesía visual e artecorreísmo'. Do 14 de abril ao 17 de maio, e ao abeiro do programa de actividades 'Cultura en Mazarelos', o vestíbulo do centro acollerá unha selección de pezas do artista galego Lois Gil Magariños que poderán ser visitadas no horario de apertura habitual da Facultade.
A inauguración da mostra, tamén de acceso libre, está programada o venres 14 ás 20.00 horas e contará coa presenza do artista e do Grupo de Acción Polipoética 'Ad Hoc'.