Ricardo Iglesias García, artista e profesora da UCM, ofrece este relatorio promovido pola Facultade de Filosofia
A interacción co público e coa contorna a través da arte centra un nova conferencia do programa 'Cultura en Mazarelos' que organiza a Facultade de Filosofía da USC. O próximo mércores 19 de abril, ás 18.00 horas, o artista e profesor da Universidade Complutense de Madrid Ricardo Iglesias García impartirá o relatorio 'Arte e experimentación nos desenvolvementos tecnolóxicos e robóticos'. A sesión desenvolverase no Salón de Actos con acceso libre.
Arte e experimentación nos desenvolvementos tecnolóxicos e robóticos
Coas novas tecnoloxías, as artes excederon a súa condición clásica de 'obxecto a contemplar' e adentráronse no terreo da interacción directa co público e a contorna, cos que constrúen novas linguaxes e novos obxectos estéticos. O relatorio explora diversas potencialidades que a robótica representa para o futuro das artes. Mediante un percorrido histórico, literario e estético, introdúcense diferentes propostas teóricas e prácticas realizadas por artistas desde os primeiros autómatas do século XVIII ata os últimos cyborgs. Tamén se comentan algúns dos traballos persoais realizados nestes ámbitos.
Ricardo Iglesias García é autor do libro Arte y robótica: La tecnología como experimentación estética (Casimiro, 2016) que lle valeu o III Premio Internacional de Ensayo MADATAC.