Un filme de Neus Ballús
O club de cinema da Facultade de Filoloxía programa o martes día 25 de abril ás 17.00 h a proxección en VOSE do filme Sis dies corrents, da cineasta catalá Neus Ballús. A sesión, que contará coa presenta da directora, desenvolverase no Salón de Actos do centro con acceso libre ata completar capacidade.
Cine Filo
Organizado pola Facultade de Filoloxía (Proxectos colaborativos) e coordinado pola Área de Filoloxía Catalá, o cineclub quere ser un punto de encontro a través do cine das linguas e culturas que se ofrecen na facultade, así como un espazo de colaboración e diálogo entre todos os membros da comunidade e veciñanza.
A programación deste primeiro ciclo (xaneiro-maio 2023) consta de 9 filmes que contan con presentación, un coloquio posterior e, eventualmente, a presenza de directoras e membros do equipo técnico. A actividade é aberta e de balde, e terá lugar quincenalmente os martes ás 17.00 h no Salón de Actos do centro. O seu seguimento estará recoñecido pola Facultade de Filoloxía como formación.