O decano da Facultade de Filosofía Xavier de Donato e os investigadores Abraham R. Cea Núñez e Federico López Silvestre, docentes na Facultade de Xeografía e Historia e integrantes do proxecto de investigación 'deparq', organizan este encontro
O ciclo 'Cultura en Mazarelos' da Facultade de Filosofía da USC programa o xoves 27 de abril ás 12.30 horas a mesa redonda 'A actualidade do pensamento de Bruno Latour: dende a epistemoloxía á ecoloxía política', que contará coas intervencións de Jean-Marc Besse (director da École des hautes études en sciences sociales e investigador do CNRS, París), Sandra Alvaro Sánchez (da Universitat Autònoma de Barcelona), e de Guillermo Rodríguez Alonso e Xavier de Donato (ambos os dous docentes e investigadores da da USC).
A sesión desenvolverase no Salón de Actos da Facultade e o acceso é libre ata completar a capacidade da sala.