Graduación do Grao en Enxeñaría Informática

A promoción décimo cuarta do grao en Enxeñaría Informática da Escola Técnica Superior de Enxeñaría (ETSE) celebra este venres, 21 de xullo, o seu acto de graduación no Restaurante Los Robles, a partir das 18.00 horas. A sesión estará presidida pola directora da Escola, Julia González Álvarez, e contará coas intervencións de Nicolás Vilela Pérez e Pablo Gil Pérez, en nome do alumnado; José Varela Pet, padriño da promoción; Marcos J. Mata Mansilla, presidente do Colexio Profesional de Enxeñaría Técnica en Informática de Galicia; Paula López Martínez, directora adxunta do Centro Singular de Investigación en Tecnoloxías Intelixentes da USC (CiTIUS); e Manuel Lama Penín, director do Departamento de Electrónica e Computación.