Espazo Ágora
Organizado polo Grupo de Traballo de Economía Circular WAS (Woman Action Sustainability) co impulso e colaboración da USC e do Concello de Santiago.
O Grupo de Traballo de Economía Circular WAS (Woman Action Sustainability) pon en marcha este programa co obxectivo de dialogar con aquelas persoas que no futuro serán as que toman decisións, representada na Xeración Zeta, sobre as oportunidades reais da Economía Circular na actualidade e no seu futuro profesional.
O encontro desenvolverase no espazo Ágora, partindo da exposición dos principais proxectos desenvolvidos nas súas empresas polos membros da WAS que forman parte deste Grupo de Traballo.
A segunda parte deste programa, a través do Concurso Retos WAS Circulamos-USC, pretendemos que o alumnado poida aportar a súa visión e aplicar os seus coñecementos a retos reais de diferentes empresas e entidades.