Este curso ten como obxectivo demostrar que o léxico dun pobo está intimamente ligado á súa historia, e que, a partir dese léxico, as relacións entre lingua, linguaxe, discursos e sociedade superan as fronteiras lingüísticas, as cales abranguen tamén funcións cognitivas e socioculturais
Do 16 ao 18 de outubro terá lugar na sala B10 da Facultade de Filoloxía da USC o curso 'Introdução aos estudos semântico-lexicais em língua portuguesa: perspetiva cognitiva socio-histórica', impartido pola profesora da Universidade do Estado da Bahia Elisângela Santana dos Santos e organizado polo Instituto da Lingua Galega.
Este curso ten como obxectivo demostrar que o léxico dun pobo está intimamente ligado á súa historia, e que, a partir dese léxico, as relacións entre lingua, linguaxe, discursos e sociedade superan as fronteiras lingüísticas, as cales abranguen tamén funcións cognitivas e socioculturais.
A asistencia é libre e non é necesaria a inscrición, a non ser que se desexe obter un certificado de asistencia. Nese caso é preciso encher este formulario.