No evento presentarase o novo número da 'Revista Galega de Educación'
O Salón de Actos da Facultade de Ciencias da Educación do Campus Sur acubilla este xoves 14 de decembro unha xornada técnica que leva por título 'Experiencias profesionais de saúde mental desde a perspectiva socioeducativa' e que se desenvolverá desde as 9.00 horas ata as 14.30 horas.
No evento, organizado pola USC e polo Colexio de Educadoras e Educadores Sociais de Galicia, interveñen por parte da USC Antonio Rial Boubeta e Jesús García Álvarez e por Nova Escola Galega Manuel Armas Castro. Así mesmo participan representantes das seguintes entidades: Agadea Alzheimer, Fundación Érguete, Aseia, DOA Saúde Mental, TactoContacto, Feafes, Lenda Saúde Mental e Aliad Ultreia.
No marco da xornada presentarase o novo número da 'Revista Galega de Educación', dedicado á saúde mental. A inscrición no evento é de balde e entregarase un diploma de aproveitamento.
