CineFilo: curtametraxes de Maya Deren

O martes 6 de febreiro ten lugar no Salón de Actos da Facultade de Filoloxía a segunda sesión da terceira edición de CineFilo, o club de cinema da facultade, que celebra xa o seu primeiro ano de vida. Nesta ocasión proxéctanse dúas curtametraxes de Maya Deren, considerada na actualidade como a principal figura no cinema underground estadounidense, en particular, e na vangarda cinematográfica do século XX, en xeral. A súa obra, que se desenvolveu principalmente na década de 1940 e 1950, deixou unha significativa pegada e influíu no desenvolvemento de teorías cinematográficas innovadoras e no cinema de autores da talla de Stan Brakhage, Kenneth Anger, David Lynch, Andrei Tarkovski ou Jonas Mekas.