A exposición 'As nosas amigas as cegoñas' poderá verse desde o 4 ata o 19 de marzo na Facultade de Bioloxía da USC. A mostra, cedida temporalmente pola Asociación Amigas das Cegoñas coa colaboración de Ecoloxistas en Acción-Ourense, estará situada nos corredores da planta baixa da Facultade de Bioloxía, sendo o acceso libre. A inauguración oficial será o martes 5 de marzo ás 17.00 horas, cunha breve explicación da mostra a cargo da doutora Zulema Varela Río, investigadora María Zambrano (CRETUS, Departamento de Bioloxía Funcional) e socia de Amigas das Cegoñas.
A exposición consta de seis paneis que explican a bioloxía das cegoñas, hábitats, alimentación, datos dos censos realizados, ameazas e dificultades como son a destrución dos niños, colisión e electrocución en tendidos, eólicos e a proliferación da inxesta de residuos sólidos, gomas, plásticos, etc.
