Xornada 'Kierkegaard en tradución: a escrita e a vida'

A xornada de investigación e divulgación 'Kierkegaard en tradución: a escrita e a vida' terá lugar o venres 24 de maio  ás 11.00 no Salón de Actos da Facultade de Filosofía. O acto está organizado polo profesor Delmiro Rocha Álvarez do Departamento de Filosofía e Antropoloxía da USC e intervirán no mesmo os docentes Juan Evaristo Valls Boix (Universidade Complutense de Madrid), Dolors Perarnau Vidal (Facultade de Filoloxía, USC) e Óscar Parcero Oubiña (Facultade de Filosofía, USC). A entrada é de balde ata completar a capacidade do espazo.