Acto de recoñecemento ao estudantado premiado no Talent Match de Hotusa

Un equipo de catro estudantes do grao en Empresa e Tecnoloxía do Campus de Lugo gañou co seu proxecto ‘Nova’ a oitava edición do certame Talent Match convocado polo grupo Hotusa, no que participaron 150 estudantes de doce centros universitarios do conxunto do Estado. Agora, a Facultade de Administración e Dirección de Empresas quere renderlles tributo a través dun acto de recoñecemento que se desenvolverá o martes 14, ás 12.00 horas, no propio centro.

Na sesión participarán os dous grupos que representaron a Facultade de ADE no Talent Match de Hotusa co obxecto de presentar os seus respectivos proxectos. O centro faralles entrega dun agasallo no transcurso deste acto de homenaxe.