Proxección do filme ‘Adieu au Langage’, de Jean-Luc Godard

O filme Adieu au Langage (2014), de Jean-Luc Godard (69 min, VOSE) será o que clausure este mércores 12 a actual edición do Ciclo de Cinema Filosófico que organiza o Cineclube Mazarelos da Facultade de Filosofía. A proxección será ás 18:00 horas no Salón de Actos da Facultade de Filosofía.

Esta é unha actividade do proxecto ‘Cultura en Mazarelos’ da Facultade de Filosofía, que conta cunha axuda da Vicerreitoría de Estudantes e Cultura da USC. Entrada de balde ata completar aforo.