Esta actividade é de balde e será impartida por Carlos Gracia Fernández, responsable de aplicacións de TA-Instruments
O Instituto de Materiais da USC (iMATUS) organiza un seminario sobre reoloxía e viscoelasticidade que terá lugar o 13 de xuño dende as 9.00 horas. Esta actividade é de balde e será impartida por Carlos Gracia Fernández, responsable de aplicacións de TA-Instruments, licenciado en Física pola USC e doutor pola USC e a UDC.
O seminario pretende descubrir e poder optimizar o potencial da reoloxía como técnica de caracterización de materiais tanto líquidos como sólidos: suspensións (por exemplo, slurries de baterías), emulsións, polímeros en disolución e fundidos, termoestables, ou hidroxeles, entre outros. No seminario aplicarase a teoría a exemplos prácticos.