14.11.2024 | 12.00h
A Facultade de Veterinaria do Campus de Lugo da USC acolle este xoves 14, a partir das 12.00 horas, a entrega de premios correspondente aos certames 'Escolle en galego' e 'O teu traballo ten premio' cos que se pretende promover o uso da lingua galega entre o estudantado. Ademais, no transcurso do acto, tamén se fará entrega dos galardóns do sorteo vinculado á campaña 'Cambia a túa mirada' que se desenvolveu a través da rede social Instagram.