- Entidad
- Parlamento de Galicia
- Fecha de inicio de la solicitud
- Fecha de fin de la solicitud
Seis bolsas individuais para contribuír á formación en prácticas de persoas con titulación universitaria. As modalidades de bolsa que se convocan son as seguintes:
2 bolsas en comunicación institucional.
2 bolsas en publicacións.
1 bolsa en recursos humanos e contratación.
1 bolsa en xestión parlamentaria.
Unha bolsa adicional destinada a persoas con discapacidade intelectual igual ou superior ao 33 por cento, con titulación universitaria ou formación profesional, para contribuír á súa formación nas áreas de asistencia xeral e administrativas.
Requisitos:
- Nacionalidade española ou nacional dun estado membro da Unión Europea ou nacional daqueles estados aos que, en virtude de tratados internacionais realizados pola Unión Europea e ratificados por España, lles sexa aplicable a libre circulación de persoas.
- Para as bolsas de comunicación institucional: Grao en Xornalismo, Publicidade e Relacións Públicas ou Comunicación Audiovisual; ou equivalentes.
- Para as bolsas de publicacións: Grao en Tradución e Interpretación, no que a lingua de orixe principal da súa combinación lingüística (1ª lingua ou lingua A1) sexa a lingua galega, Grao en Lingua e Literatura galegas, Grao en Estudos de Galego e Español, con itinerario en lingua galega e española; ou equivalentes.
- Para a bolsa de recursos humanos e contratación: Grao en Dereito, Grao en Ciencias Políticas e da Administración, Grao en Dirección e Xestión Pública; ou equivalentes.
- Para a bolsa de xestión parlamentaria: Grao en Dereito, Grao en Ciencias Políticas e da Administración, Grao en Dirección e Xestión Pública; ou equivalentes.
- Acreditar un coñecemento da lingua galega no nivel de perfeccionamento ou Celga 4.
- As persoas con discapacidade intelectual deberán ter recoñecida oficialmente unha discapacidade intelectual cunha afección nun grao igual ou superior ao 33 por cento, acreditar posuír unha titulación universitaria ou titulación de formación profesional.
Dotación: 1.300 euros mensuais