'Desafiando a opacidade na participación', a cargo de Maria Luisa Caputo

A vindeira sesión deste segundo semestre do curso 2024-2025 do Seminario de Futuros Urbanos do grupo ANTE e do IDEGA terá lugar o xoves 8 de maio, ás 19.00 horas, na Sala de Xuntas do Decanato da Facultade de Xeografía e Historia. Correrá a cargo de Maria Luisa Caputo, que realizará un relatorio que leva por título 'Desafiando a opacidade na participación: navegando entre representación, desigualdade e vulnerabilidade na investigación participante con pescadores'. A charla estará seguida por unha discusión aberta a todas as persoas presentes.