Presentación do Vademécum das augas mineromedicinais de Galicia

A Cátedra de Hidrobioloxía Médica USC-Balnearios de Galicia presenta este mércores 3 o Vademécum de las augas mineromedicinales de Galicia nun acto ás 11.00 horas no Salón Reitoral do Colexio de San Xerome.

Na presentación participarán o reitor Juan Viaño; o conselleiro de Sanidade, Jesús Vázquez; o director da Cátedra, Juan Gestal; a directora da Axencia de Turismo, Nava Castro; o presidente do Colexio de Médicos da Coruña, Luciano Vidan; e o profesor da Cátedra de Hidroloxía Médica da UCM, Francisco Maraver.

O vademecum comprende unha parte inicial con seis artigos científicos sobre múltiples aspectos das augas mineromedicinais e a súa situación en Galicia, e unha segunda con información de cada un dos balnearios galegos e das envasadoras de augas de Cabreiroá e Fontecelta.