Coloquios Castelao hoxe e sempre: Castelao antes de Nós. O filme e a figura

A Cátedra Castelao impulsa unha serie de coloquios para afondar en diversos aspectos da figura de Alfonso Daniel Rodríguez Castelao. O cuarto e último, que pivota sobre o filme Antes de nós, desenvolverase o 20 de novembro, ás 17.00 horas, no Salón de Actos da Facultade de Filoloxía.

Participan nel a directora do filme, Ángeles Huerta; o guionista, Pepe Coira; a produtora, Zaza Ceballos; e Xoán Fórneas e Cristina Iglesias, protagonistas da obra. Modera o debate o profesor da USC, presidente da RAG e director da Cátedra Castelao da USC, Henrique Monteagudo.