APLTA e Cetal reúnen 65 participantes nunha xornada sobre análise de viscosidade e textura en alimentos
Unha xornada formativa sobre análise de viscosidade e textura de alimentos, organizadas a iniciativa das empresas Instrumentación Analítica e Drogallega en colaboración coa Aula de Produtos Lácteos e Tecnoloxías Alimentarias (APLTA) da USC e o Cetal, citou 65 representantes, técnicos e directivos de empresas lácteas e agroalimentarias de toda España e de empresas de análise e centros tecnolóxicos.
O vicerreitor de Desenvolvemento Científico e Tecnolóxico do campus de Lugo, Andrés Barreiro, o subdirector do CETAL, Pablo Rancaño; o responsable de proxectos de I+D e Innovación da Aula de Produtos Lácteos e Tecnoloxías Alimentarias da USC, Alfonso Pérez Quintáns, e Javier Portero, de Instrumentación Analítica, foron os relatores que interviñeron na sesión inaugural dun programa de formación e divulgación que completou todas as prazas ofertadas, o que corrobora o grande interese esperta no sector agroalimentario as técnicas de análise de propiedades físicas dos alimentos. Marcel Ripoll, de Instrumentación Analítica, abriu a quenda de relatorios programados no marco desta xornada cunha exposición teórica sobre as técnicas de medida de viscosidade e textura. Trala súa intervención, as persoas asistentes tiveron a ocasión de seguir unha demostración práctica de medición da viscosidade e da textura de diferentes produtos alimentarios.
Un percorrido polas novas instalacións da Aula de Produtos Lácteos e Tecnoloxías Alimentarias da USC, unha infraestrutura universitaria que acubilla a planta piloto máis equipada de Europa, e un relatorio sobre aplicacións prácticas das técnicas de análise de propiedades físicas e de análise sensorial para o control de calidade e a vida útil dos produtos na industria alimentaria, a cargo de Mª Paz Fernández-Abalat, responsable da área de análise sensorial na APLTA, e Juan Trillo Novo, responsable do laboratorio de análise de propiedades físicas del APLTA, completaron o programa da xornada.
Asistentes á xornada sobre análise de viscosidade e textura de alimentos
