Imposición de becas e entrega de diplomas a estudantes estranxeiros na residencia universitaria Jesús Bal y Gay

A residencia universitaria Jesús Bal y Gay do campus de Lugo da USC vén de despedir a súa última promoción de estudantes universitarios aloxados no centro coa celebración dunha cerimonia académica na que se procedeu á imposición de becas a alumnos e alumnos con máis de tres anos no centro, así como coa entrega de diplomas a estudantes estranxeiros residentes.

A vicerreitora de Servizos Universitarios do campus de Lugo, Carme Silva; a directora da residencia universitaria Jesús Bal y Gay, Paula Vázquez Rodríguez, e a coordinadora do Servizo Universitario de Residencias (SUR) da USC, María Dolores Cadaval Sampedro, interviñeron como relatoras no marco dunha emotiva sesión, durante a que a comunidade universitaria da residencia Jesús Bal y Gay distinguiu coa súa beca de honra a Rosa Trashorras Bargueiras.