Viños, megálitos e hobbits nunha nova sesión de NerdNites

Este xoves 25 ás 21.30 horas chega á Nave de Vidán unha nova sesión das NerdNites SCQ con tres charlas con suxestivos títulos.

'In vino veritas... (no viño está a verdade); pero... ¿no branco ou no tinto?' será a intervención da profesora do departamento de Química Analítica da USC Marta Lores Aguín, mentres que o profesor de dereito do traballo e da Seguridade Social da USC José María Miranda fará o propio con 'Hobbits e dereito'. Por último, o director do Instituto de Ciencias do Patrimonio do CSIC e presidente da Asociación Europea de Arqueólogos, Felipe Criado, impartirá a charla 'Megálitos misteriosos, misterios megalíticos?'.