Xa se pode participar no segundo Concurso de Teatro Xaponés

Alumnado e ex alumnos/as da sección de xaponés do Centro de Linguas Modernas da USC son os destinatarios/as da segunda edición do Concurso de Teatro Xaponés. A inscrición pode formalizarase ata o 20 de maio.

A obra terá un máximo de 10 minutos de duración e, co lema ‘Co obxectivo de...’, tentará reflectir a alguén que aspira a conseguir algo, a alcanzar unha meta ou atopar alguén e as distintas reaccións doutras persoas fronte esta aspiración, incluíndo unha situación sería e problemática. As obras, escritas en xaponés, serán propostas por grupos mínimos de tres persoas e máximos de cinco cun nivel mínimo de coñecemento do idioma de A1.

O concurso pretende achegar os costumes e a cultura de Xapón promovendo intercambio de información e coñecementos entre os/as estudantes de xaponés de España ao tempo que ter a oportunidade de avanzar no coñecemento cultura e lingüístico.