Studyportals galardoa á USC co premio á maior satisfacción do estudantado internacional 2016

A plataforma internacional Studyportals premiou á USC pola satisfacción dos estudantes internacionais que realizaron unha estadía de estudos en pasados cursos. Un total de case 16.000 alumnos valoraron a súa experiencia a través dunha enquisa en STeXX.eu, a maior base de datos onde se recollen as experiencias de estudantes internacionais, alcanzando a USC unha nota media de 8 sobre 10, baseándose en 37 de ditas valoracións.

Studyportals é unha plataforma internacional fundada en 2009 e orientada a estudantes para axudalos na elección de estudos en universidades doutros países. O seu obxectivo é promover o marketing internacional e a captación de estudantes entre universidades. Actualmente, a cifra de estudantes internacionais matriculados na USC supera os 1.300 representando a más de 30 países, sendo os programas Erasmus, Erasmus Mundus e os convenios bilaterais entre universidades os que máis alumnado estranxeiro atraen.