Publicados os resultados do test de nivel para os cursos do Centro de Linguas Modernas

As persoas que realizaron o test de nivel para entrar nos cursos do Centro de Linguas Modernas da USC poden xa consultar os seus resultados a través da secretaría virtual. Haberá outra oportunidade para realizar esta proba o vindeiro 19 de setembro. Quen desexe facer o test ou matricularse nos cursos pode facelo xa.

As principais novidades deste ano son a ampliación da oferta dos cursos semestrais de 40 horas de duración + 10 horas de traballo autónomo en alemán, francés, italiano, portugués, catalán, checo, danés e xaponés. Ademais increméntase a oferta de cursos temáticos cun de inglés oral Speaking Skills B1-B, outro semestral de inglés B1 de 60 horas, outro intensivo da mesma duración en xuño e un de francés Nivel B1 para turismo e hostalaría, ademais de preparación para as probas DELE e CCSE.

Dentro desta mesma programación, o CLM inclúe unha ampla oferta de cursos de español como lingua estranxeira dende os niveles A1, A1+ ata C1, ademais de galego para non galego falantes ou catalán.