A USC súmase á campaña internacional de apoio e visibilización da Enfermidade de Huntington

A Universidade de Santiago súmase estes días á campaña que promove en España a Asociación Corea de Huntington para visibilizar unha doenza moi descoñecida pero que é a terceira patoloxía neurodexenerativa máis importante tras o Alzhéimer e o Párkinson.

Sensibilizada con esta campaña internacional, a USC instalou na escultura de Alonso de Fonseca emprazada no claustro do colexio que leva o seu nome unha pancarta en apoio dos doentes desta enfermidade, que permanecerá durante toda esta semana.