O Centro de Linguas Modernas organizará en abril a primeira das dúas convocatorias anuais do Diploma de Español como Lingua Estranxeira

O Centro de Linguas Modernas da USC organizará o vindeiro mes de abril a primeira das dúas convocatorias anuais do Diploma de Español como Lingua Estranxeira (DELE), título do Instituto Cervantes que acredita o grao de competencia e dominio do idioma español. O vindeiro abril, as persoas interesadas poderán realizar as probas correspondentes aos niveis B1, B2 e C1. Para finais de ano, no mes de novembro, está prevista outra convocatoria para os diplomas estes mesmos diplomas ademais do C2. As persoas interesadas xa poden formalizar a inscrición nesta convocatoria ata o próximo 11 de marzo no negociado do Centro de Linguas Modernas da USC, centro examinar dende o ano 1992. A proba escrita para a consecución do DELE celebrarase o venres 17 de abril e entre dous e tres días antes a proba oral, que será oportunamente anunciada a cada participante por correo electrónico con dúas semanas de antelación. Para acadar máis información, as persoas interesadas poden consultar a web específica do Centro de Linguas Modernas da USC.