O catedrático Guillermo Rojo presenta no Instituto Cervantes o Corpus de aprendices de español

O catedrático de Lingüística da USC Guillermo Rojo e o director do Instituto Cervantes, Víctor García de la Concha, presentan na mañá deste venres na sede central do Instituto en Madrid o Corpus de Aprendices de Español (CAES), unha ferramenta informática dirixida a quen traballe na ensinanza do español como lingua estranxeira.

O CAES, elaborado pola USC e o Instituto Cervantes e que contén miles de mostras de textos producidos por estudantes de español en todo o mundo, permitirá realizar investigación aplicada baseada en datos obxectivos e proporcionará información sobre dificultades de aprendizaxe, erros máis comúns ou vocabulario empregado que se poderá aplicar nas aulas ou integrar nos métodos de ensinanza.