Remata o prazo de inscrición para a convocatoria de abril do Diploma de Español como Lingua Estranxeira

O Centro de Linguas Modernas da USC organizará o vindeiro mes de abril a primeira das dúas convocatorias anuais do Diploma de Español como Lingua Estranxeira (DELE), título do Instituto Cervantes que acredita o grao de competencia e dominio do idioma español. As persoas interesadas poderán realizar as probas correspondentes aos niveis B1, B2 e C1. Para finais de ano, no mes de novembro, está prevista outra convocatoria para os diplomas estes mesmos diplomas ademais do C2. O prazo de inscrición nesta convocatoria de abril remata este mércores 11, trámite que se pode formalizar no negociado do Centro de Linguas Modernas da USC, centro examinar dende o ano 1992. A proba escrita para a consecución do DELE celebrarase o venres 17 de abril e entre dous e tres días antes a proba oral, que será anunciada a cada participante por correo electrónico con dúas semanas de antelación. Para acadar máis información, as persoas interesadas poden consultar a web específica do Centro de Linguas Modernas da USC.