Este venres remata o prazo de matrícula en oito cursos da Universidade de Verán

Este venres 5 remata o prazo de matrícula en oito cursos da Universidade de Verán da USC que darán comezo en dez días en Santiago, Lugo e Oleiros. A institución mantén as taxas xerais de matrícula dos últimos anos, 120 euros para cursos de 25 ou máis horas e 70 para o resto. Ademais o estudantado universitario, de bacharelato ou de FP, pensionistas, desempregados/as e persoal docente e investigador e de administración e servizos da USC poderá acollerse á taxa reducida (70 e 40 euros). Santiago de Compostela: . Depresión, trauma, morte e duelo. Do 15 ao 19 de xuño . Educar para un desenvolvemento sostible. Do 16 ao 19 de xuño . Retazos da arte, sociedade e cultura na Idade Media europea II: Palabras e formas na construción do imaxinario medieval. Do 17 ao 19 de xuño . Problemas xurídicos do cinema e do sector audiovisual. Do 17 ao 19 de xuño . O uso dos xardíns como recurso educativo. Do 18 ao 19 de xuño . A reivención dos comúns: cultura dixital e territorio. Do 18 ao 19 de xuño Lugo: . Teatro físico. Contacto con diferentes dinámicas teatrais, físicas e grupais. Introdución no traballo de composición escénica. Do 15 ao 19 de xuño Oleiros:

. Calidade agroalimentaria e desenvolvemento rural: un enfoque agroecolóxico. Do 15 ao 17 de xuño