A comunidade universitaria elixe este xoves os seus representantes en Xunta de Centro e Consellos de Departamento

A comunidade universitaria de Santiago e Lugo está chamada este xoves 17 a elixir os seus representantes nas Xuntas de Centro e nos Consellos de Departamento. O voto será electrónico e poderá emitirse entre as 9.00 e as 19.00 horas dende calquera ordenador conectado a Internet.

Os electores/as deberán acceder a través da Secretaría Virtual, ou ben na web electoral http://www.usc.es/eleccions2015 onde terán acceso directo á aplicación de votación. No caso de non poder conectarse poden comunicar a incidencia a través da conta de correo evoto [at] usc.es (evoto[at]usc[dot]es). A identificación de electores/as farase mediante as claves de acceso corporativas da USC (no caso do PAS e PDI) e coas claves de acceso á Secretaria Virtual, o estudantado.