Xogadores do Rio Natura Monbus Obradoiro aprenderán español no Centro de Linguas Modernas da USC

Os xogadores do Rio Natura Monbus Obradoiro que así o decidan poderán asistir a clases de español como lingua estranxeira no Centro de Linguas Modernas da USC (CLM). Deste xeito, os xogadores estranxeiros Tyler Haws, Alec Brown, Angelo Caloiaro, Artem Pustovyi ou Eimantas Bendzius poderán seguir a programación académica do CLM, centro educativo que leva dende 1975 dedicado ao ensino de linguas de todos os continentes a alumnado maior de 16 anos.

Actualmente no Centro de Linguas Modernas impártense clases de preto dunha vintena de linguas diferentes. Precisamente, entre os cursos que máis éxito teñen atópanse os de español e galego destinados a non fablantes destas linguas.