A terceira quenda de Verán CampUSC comeza o luns 14

A segunda quenda de Verán CampuUSC, programa deportivo e cultural dirixido a rapaces e rapazas de entre 3 e 13 anos, chegou ao seu fin nunha xornada na que a vicerreitora de Estudantes, Cultura e Responsabilidade Social, Dolores Álvarez Pérez, visitou aos 76 nenos/as que tomaron partido no programa de actividades deseñado. O vindeiro luns 14 comezará a terceira quenda, que se estenderá ata o 24 de xullo, coa participación de 71 rapaces/zas para desenvolver un amplo programa de actividades deportivas, de ocio e de tempo libre, entre as que se inclúe a práctica de deportes de raqueta, de combate, psicomotricidade, deportes colectivos, orientación ou xogos populares. Tamén se inclúen diferentes obradoiros, ademais de que cada quenda inclúe unha serie de propostas orientadas a descubrir a cultura dun continente (logo de Asia e África, nesta ocasión profundarán en Oceanía). Están previstas ademais saídas a área recreativa de Agronovo e ás piscinas Fontes do Sar, e a posibilidade de que os nenos/as de maior idade se acheguen á práctica do triatlón da man do Club de Triatlón Arcade Inforhouse. A cuarta e quinta quenda de Verán CampUSC iniciaranse os días 24 de xullo e 1 de setembro respectivamente, períodos para os que restan as últimas prazas dispoñibles que as persoas interesadas poden solicitar a través da Fundación USC Deportiva no teléfono 881.97.53.99 ou na súa web www.fundacionuscdeportiva.org.