O investigador Harold Bock disertará no Ciqus sobre os últimos achados en novos materiais para dispositivos orgánicos

Harold Bock, do Centro de Investigación Paul Pascal (CNRS, Burdeos) imparte este xoves 30 unha conferencia na USC na que se referirá ao traballo do seu laboratorio no desenvolvemento de dispositivos orgánicos, como células solares e LED’s baseados en materiais de cristal líquido columnares, e de cinta e segmentos de grafeno. A conferencia, titulada ‘From Columnar Liquid Crystals to Carbon Nanobelts’, celebrarase a partir das 12.15 horas na Aula de Seminario do Centro Singular de Investigación en Química Biolóxica e Materiais Moleculares.