Fondo pesar na Universidade de Santiago polo pasamento do estudante de Veterinaria Miguel González Cabaleiro

A Universidade de Santiago está de loito polo pasamento do seu alumno Miguel González Cabaleiro, un estudante de Veterinaria vigués de 24 anos de idade que estaba desaparecido desde o pasado 29 de novembro de 2013 e cuxo cadáver foi localizado este mércores nunha zona boscosa próxima ao aeroporto de Peinador.

A nova da morte de Miguel González xerou fondo pesar especialmente no campus de Lugo da Universidade de Santiago de Compostela, onde o agora finado estaba matriculado na Facultade de Veterinaria. A institución académica súmase así á dor de familiares e amizades nestes duros momentos.