Presentación da programación de Voluntariado da USC no campus de Lugo

A vicerreitora de Servizos Universitarios do Campus de Lugo, Carmen Silva, e a responsable do Servizo de Participación e Integración Universitaria (Sepiu) en Lugo, Fátima Teixeiro, presentarán este mércores, ás 11.30 horas, na sala de prensa da Vicerreitoría de Coordinación do campus, o programa de Voluntariado para o curso 2014-2015.

O acto de presentación da programación da Área de Voluntariado da USC en Lugo servirá para informar das novidades que presenta esta nova convocatoria de actividades, das posibilidades de recoñecemento académico das distintas accións desenvolvidas, así como, entre outras cuestións, datos referidos á localización ou ó calendario das distintas accións previstas.