As bicicletas volven rodar nos campus de Santiago e Lugo

A Oficina de Desenvolvemento Sostible da USC comezou a pasada semana en Lugo a entrega das bicicletas de préstamos aos membros da comunidade universitaria que previamente a solicitaron. En Compostela, onde se van entregar arredor de 150, a entrega comezou este luns e continuará o martes, pola mañá e pola tarde e o mércores, pola mañá. A cesión realízase para todo o curso académico. Con esta nova edición do programa de préstamo, a USC dá continuidade a unha iniciativa que comezou cunha proba piloto o ano 2007 e que sete anos despois segue apostando pola promoción do emprego da bicicleta como vehículo sustentable. Ademais, esta é unha iniciativa que permitir estudar as particularidades do uso da bicicleta no entorno dos campus e das cidades de Santiago e Lugo e propor cambios que faciliten o seu uso. A vicerreitoría de Estudantes, Cultura e Responsabilidade Social, Dolores Álvarez, participará este martes 21 na entrega.