Pesar polo falecemento de Emilio Botín

A Universidade de Santiago lamenta o pasamento de Emilio Botín -presidente do portal universitario Universia do que forman parte as universidades españolas, entre elas a USC, presidente do Banco Santander e un dos principais impulsores de RedEmprendia, que preside o ex reitor da USC, Senén Barro e da que forman parte universidades iberoamericanas-. A USC agradece o labor de quen foi impulsor de proxectos como Universia, así como doutras iniciativas que trataron de poñer en valor a institución universitaria, o coñecemento e a innovación como sector estratéxico de presente e de futuro.