Máster Universitario en Estudos Medievais Europeos. Imaxes, textos e contextos
O Máster Universitario en Estudos Medievais Europeos. Imaxes, Textos e Contextos (P5091V01) é unha oferta de mestrado única no Sistema Universitario de Galicia. O título foi verificado pola Agencia Nacional de Evaluación de la Calidad y Acreditación (ID Verifica 1485/2009 – ID MEC 4311760) e conta co informe favorable de seguimento da Axencia para a Calidade do Sistema Universitario de Galicia (ACSUG), dous recoñecementos oficias que acreditan a calidade deste título universitario.
O plan de estudos (60 ECTS) desenvólvese, en xornada de tarde (16h00 – 20h30), ao longo dun único curso académico e está dividido en tres módulos nos cales se agrupan as diferentes materias obrigatorias e optativas.
Cunha orientación investigadora, o Máster dá acceso ao Programa de Doutoramento en Estudos Medievais (RD 199/2011) da USC, cuxo xermolo hai que procuralo, entre outros, nos antigos programas de doutoramento A Idade Media: Imaxes, textos e contextos (RD 778/1998) e Filoloxía Románica (RD 1393/2007) que recibiron, respectivamente, os recoñecementos oficiais de Mención de Calidad por el MEC (MCD 2005-00241, cursos académicos do 2006-2007 ao 2008-2009) e de Mención hacia la Excelencia del MECD (MEE2011-0660, cursos académicos do 2011-2012 ao 2013-2014).
O mestrado profunda no estudo da Idade Media europea desde unha perspectiva lingüística, estética, artística, literaria, histórica e social, tendo presente a importancia do contexto histórico-cultural no que se enmarcan as manifestacións concretas que se estudan, sempre desde una perspectiva interdisciplinar. Ademais, o máster permite que os estudantes se introduzan no campo de estudo das humanidades dixitais.
Para calquera outra información sobre o Máster Universitario en Estudos Medievais Europeos, rogamos contacten co coordinador académico:
e-mail: israel.sanmartin@usc.es
Tfno: +34 881 812 621
Universidade de Santiago de Compostela
Facultade de Filoloxía
Avda. Castelao, s/n
15782 – Santiago de Compostela
Centro administrativo ao que está adscrito o Máster
Universidade de Santiago de Compostela
Facultade de Filoloxía
Avda. Castelao, s/n
15782 – Santiago de Compostela
Vídeo de presentación