Seguro escolar (menores de 28 anos)
Protexe aos estudantes menores de 28 anos, matriculados en estudos universitarios oficiais, contra o accidente escolar, a enfermidade ou o infortunio familiar, outorgándolles prestacións médicas, farmacéuticas e económicas, segundo o caso. Tamén serán beneficiarios os estudantes nacionais da Unión Europea (UE), do Espazo Económico Europeo e os estranxeiros con residencia legal en España que teñan aboada a cuota correspondente.
Información:
Instituto Nacional da Seguridade Social: 901 16 65 65 - 881 90 94 67
Sede en Santiago: C/ Carlos Briones Varela s/n. Tfno: 981 55 31 50; Fax: 981 55 31 55
Sede en Lugo: Ronda Músico Xosé Castiñeira, nº 26. Tfno.: 982 29 33 00
Seguro obrigatorio de accidentes e asistencia en viaxe (maiores de 28 anos e outros colectivos)
Deberán subscribir este seguro, ademais dos alumnos maiores de 28 anos, aqueles que cursen estudos no marco de convenios ou programas de intercambio interuniversitario, aínda que estean o ámbito de protección do seguro escolar do INSS.
Tamén deberán subscribir este seguro os estudantes doutras universidades ou institucións educativas que se incorporen a esta universidade para cursar estudos no marco de convenio ou programas de intercambio interuniversitario.
Este seguro, dará cobertura a todos os riscos por accidente e outras continxencias derivadas, directamente ou indirectamente, da actividade académica dos estudantes. Os riscos cubertos e as prestacións son as que figuran na póliza da entidade aseguradora.
SEGURO DE ASISTENCIA-ONCAMPUS ESTUDIA CURSO 2024/25
Información:
Sección de Patrimonio da USC
Casa da Balconada. Rúa Nova, 6
15782 Santiago de Compostela
Teléfono: 881 81 12 58 – 881 81 12 59
Correo electrónico: patrimonio [at] usc.gal (patrimonio[at]usc[dot]gal)