O Campus Terra de Lugo, promovido pola Universidade de Santiago de Compostela, nace como resultado do acordo entre a USC e a Secretaría Xeral de Universidades, dependente da Consellería de Cultura, Educación e Universidade da Xunta de Galicia, coa intención de transformar o campus de Lugo nun referente científico e social nos ámbitos de coñecemento vinculados á sustentabilidade económica, social e medioambiental do uso da TERRA.
PICTERRA
A través do buscador PICTERRA o Campus Terra da Universidade de Santiago de Compostela; campus especializado na sostibilidade económica, social e medioambiental do uso da terra, pon ao servizo da sociedade as capacidades e o coñecemento de máis de 50 grupos de investigación que desenvolven as súas investigacións neste Campus, en áreas tan estratéxicas como a produción vexetal e agricultura sostible, a produción e saúde animal sostibles, alimentación segura e saudable ou produción forestal sostible.
No PICTERRA recollerase información básica e actualizada sobre a denominación, composición, contacto, servizos e liñas de investigación que desenvolven os grupos de investigación.
Namentres, para calquera consulta, pódese contactar directamente co Equipo Técnico de Campus Terra: campus.terra [at] usc.es (campus[dot]terra[at]usc[dot]es) / 982 82 28 00
Actualidade
Tres grupos operativos supra-autonómicos coa participación da USC darán pulo á produtividade e sustentabilidade agrícolas
CLIMALACT, Ash4Soil e PRERIVID achegarán solucións innovadoras para o sector lácteo, a mellora da calidade dos solos e o ámbito vitivinícola, respectivamente
Ler máis
UXAFORES optimiza a rendibilidade das comunidades de montes no marco do Laboratorio Ecosocial do Barbanza
O equipo liderado pola catedrática da EPS de Enxeñaría do Campus de Lugo da USC, Esperanza Álvarez, levou a cabo unha intensa recollida e análise de mostras para incrementar a fertilidade dos solos
Ler máis
RURALtXA! leva avaliadas 23.000 hectáreas de hábitats para potenciar a bioeconomía das zonas rurais
O proxecto no que participa a USC traballa con centos de persoas comuneiras que desenvolven actividades tradicionais como a gandería extensiva, o sistema de manexo de cabalos salvaxes ou a apicultura
Ler máisÚltimas entradas no Blog
David Mateo Fouz: «Galicia posúe unha potencialidade inmensa no referido a recursos enerxéticos renovables de orixe mariño»
Investigador Predoutoral no Campus Terra, David Mateo Fouz centra a súa actividade científica, entre outras cousas, no aproveitamento das enerxías renovables mariñas
Ler máis
Concha, a IA das persoas maiores
Un equipo formado por cinco moz@s gaña o segundo premio do Terra Creative Jam con Concha, unha IA deseñada para axudar ás persoas maiores á hora de romper as barreiras dixitais
Ler máis
Óscar Cruz: «Non se valora a problemática dos incendios forestais ata que non ocorren»
O traballo de investigación de Óscar Cruz, docente e investigador posdoutoral no Campus Terra, pon o foco sobre a recuperación pos-incendio dos ecosistemas atlánticos ibéricos
Ler máis