Ir o contido principal

DivulgaTerra 2019

Coa experiencia acumulada de 2016, 2017 e 2018, puxemos en marcha a cuarta edición de “DivulgaTerra. Petiscos de divulgación científica”.

Coa experiencia acumulada de 2016, 2017 e 2018, puxemos en marcha a cuarta edición de “DivulgaTerra. Petiscos de divulgación científica”.

Pero o traballo e a investigación non se deteñen, os proxectos seguen avanzando e xorden outros novos. Por iso, para seguir contando ciencia, co gallo do Día da Ciencia en Galego deste ano, abrimos o prazo de inscrición para o DivulgaTerra 2019.

QUE É?

Un evento que quere divulgar o traballo das investigadoras e investigadores do Campus Terra, e potenciar o galego como lingua da comunicación e da divulgación científica.

EN QUE CONSISTE?

Nun conxunto de presentacións de 10 minutos de duración, organizadas en sesións temáticas, nas que pode participar calquera investigador ou investigadora do Campus que queira presentar en galego e cun ton divulgativo o traballo de investigación que está levando a cabo.

Tamén se pode participar a través de pósters, que figurarán expostos nun espazo anexo ao lugar en que se desenvolvan as presentacións, mentres estas teñan lugar.

CANDO CELEBROU?

Os xoves pola tarde ao longo do mes de novembro, na Casa do Saber.

QUEN PUIDO PARTICIPAR?

Calquera persoa que cumprise algunha das seguintes condicións:

  • estar realizando o seu traballo de fin de máster en titulacións do Campus Terra.
  • estar matriculado/da en programas de doutoramento do Campus Terra.
  • estar elaborando a tese de doutoramento vinculada a algún dos  devanditos programas.
  • estar elaborando a tese de doutoramento baixo a dirección de profesorado do Campus Terra.
  • formar parte dalgún grupo de investigación vinculado ao Campus Terra
  • estar gozando dalgunha modalidade de contrato ou bolsa posdoutoral.

 

A inscrición fíxose a través dun formulario, ata o día 25 de outubro de 2019.

O acceso para o público foi libre e gratuíto.

RECOÑECEMENTOS

A participación recoñeceuse cun diploma, expedido polo Campus Terra e polo Servizo de Normalización Lingüística da USC.

Ademais, editouse un libro que recolle os resumos de todas as presentacións e pósters participantes.

E por último, as intervencións orais graváronse en vídeo para seren difundidas posteriormente a través das redes sociais do Campus Terra.

"Cancro e animais"
"Amor a primeiro arrecendo"
"Da granxa ao prato: o papel das feromonas na produción cunícola"
"Distribución ambiental do virus da mixomatose do coello nunha granxa infectada"
"Os animais domésticos como sentinelas do medio ambiente"
"Enzimas artificiais con actividade antioxidante"
"Que coñecemos dos alimentos procesados?"
"Como lemos información HD nas árbores?"
"Posta en valor de especies forestais de crecemento en Galicia e promoción da madeira na construción"
"Os SES: cando os seres humanos nos decatamos de que formabamos parte da natureza"
"Índice de tecnificação da pecuária no estado de Goiás – Brasil "
"Influencia do software na obtención de conclusións xenómicas. Conducen todos os camiños a Roma?"
"Abrindo camiño na procura da consciencia animal"
"Da penicilina á resistencia antimicrobiana. Estamos a tempo de gañar esta batalla? "
"Migrantes fronteiras e pantallas: unha reflexión de como se mostran os movementos migratorios no cinema"
"Viver e defender o Cerrado: o caso dos geraizeiros do Norte de Minas Gerais, Brasil"
" A educación vocal como proceso transversal na educación para a saúde "
""Nacieron dos de un vientre" Partos múltiples nos séculos XV-XIX"
"Epi…. que?Descubrindo o noso pasado romano a través da epigrafía"
Os contidos desta páxina actualizáronse o 31.03.2022.